Рабіць свет лепш — выдатная ідэя! Але што гэта значыць на практыцы? І як гэта рабіць у новым грамадстве, калі ты мігрант_ка?
Калі табе ад 18 гадоў і ты жывеш у Польшчы — гэты івэнт для цябе!
Далучайся да двухдзённага ідэятону 17-18 красавіка, дзе маладыя людзі ў камандах папрацуюць над сапраўднымі сацыяльнымі праблемамі — і прапануюць рашэнні, якія будуць рэальна змяняць жыццё іншых. Гэта таксама выдатная магчымасць пазнаёміцца з цікавымі людзьмі, знайсці новых сябровак і сяброў і класна правесьці час.
Ніякага спецыяльнага досведу не патрэбна — свежы погляд каштоўны больш за ўсё.
Read in English // Wersja polska
Арганізацыя еўрапейскай экспертызы і камунікацый (OEEK) сумесна з “Гэта окей” запрашаюць далучыцца да ідэятону MigrAction 17–18 красавіка ў Варшаве. Што гэта? Не хвалюйся, зараз патлумачым!
- Ідэятон (Ideathon) — двухдзённы івэнт па распрацоўцы ідэяў.
- MigrAction — назва, якая спалучае словы “migration” (міграцыя) і “action” (дзеянне), і ёй мы падкрэсліваем актыўную ролю мігрантаў і мігрантак у івэнце.
- “Паляпшэнне свету” — гучыць як абстрактная рэч, але на практыцы ёй часта займаюцца арганізацыі грамадзянскай супольнасці (АГС).
- АГС — гэта арганізацыі грамадзянскай супольнасці: некамерцыйныя недзяржаўныя арганізацыі, часта валанцёрскія. Яны ладзяць праекты ў галіне культуры, адукацыі, экалогіі, аховы правоў і г.д., якія паляпшаюць жыццё канкрэтных людзей альбо іншых жывых істотаў (напрыклад, дзікіх ці хатніх жывёл).
Як ты можаш далучыцца і дапамагчы?
На ідэятон АГС “прынясуць” сапраўдныя кейсы са сваёй працы. Напрыклад, яны працуюць са сталымі людзьмі і хочуць заангажаваць больш моладзі ў гэтую працу, але не ведаюць, як. Ці яны збіраюць грошы для шэлтэра і хочуць палепшыць сваю камунікацыю, каб атрымліваць больш данатаў.
Твая задача — дапамагчы вырашыць гэтыя “кейсы”. Не абавязкова мець экспертызу ці досвед у абранай тэме. Погляд звонку — наадварот, свежы, цікавы і карысны. І ты не будзеш працаваць адзін альбо адна — мы зробім каманды з тых, хто дашлюць заяўкі на ідэятон, і ты зможаш пазнаёміцца з новымі людзьмі і вырашыць рэальную задачу для АГС.
А тры найлепшыя ідэі каманд атрымаюць падтрымку — 600 еўра на рэалізацыю.
Каго мы чакаем?
Маладых (узрост 18+) жыхароў і жыхарак Польшчы незалежна ад таго, мігрант_кі яны ці не. Тых, хто цікавіцца сацыяльнымі праектамі і хацелі бы сябе паспрабаваць у гэтым. Тых, хто хочуць знайсці новыя знаёмствы і класна правесці час, вырашаючы сацыяльныя праблемы.
Працоўныя мовы: польская, англійская, беларуская, украінская. Калі валодаеш хаця б адной з іх — далучайся, і мы знойдзем спосаб паразумець адн_а адн_у.
Умовы ўдзелу
Удзел бесплатны. Арганізатары забяспечаць кава-паўзы, абеды і ўсе неабходныя матэрыялы для працы. На жаль, пражыванне і праезд да Варшавы з іншых гарадоў мы аплаціць не зможам, але вы можаце падаваць заяўкі, калі гатовыя ўдзельнічаць за свой кошт.
Каб прыняць удзел у адборы, трэба запоўніць заяўку. Вынікі адбору і запрашэнне мы дашлем не пазней 15 красавіка.
Што будзе ў праграме?
- Прэзентацыя кейсаў ад АГС
- Размеркаванне ўдзельні_ц па камандах
- Натхняючыя выступы ад тых, хто кожны дзень імкнецца змяніць свет да лепшага
- Варкшопы па праектнай дзейнасці і распрацоўцы крэатыўных ідэяў
- Ментарскія кансультацыі
- Прэзентацыя напрацаваных рашэнняў для кейсаў
- Галасаванне журы і ўзнагароджанне праектаў-пераможцаў
Дзе: 17 і 18 красавіка (пятніца і субота) з 11:00 да 17:00. Пажадана ўдзельнічаць абодва дні.
Лакацыя: Варшава, Jasna 10.
Пытанні і сувязь з арганізатаркамі: team@oeek.pl
***
Праект «MigrAction Ideathon» прафінансаваны Civic Innovation Fund (CIF) — унікальным еўрапейскім аб’яднаным фондам THE CIVICS Innovation Hub. CIF падтрымліваецца Robert Bosch Stiftung. Праект рэалізуе Арганізацыя еўрапейскай экспертызы і камунікацый (OEEK) сумесна з «Гэта окей».
Мерапрыемства арганізавана разам з «Jasną 10: Społeczną Instytucją Kultury Krytyki Politycznej» у памяшканні, якое выкарыстоўваецца дзякуючы падтрымцы горада Варшавы — раёна Śródmieście.
Інфармацыйная падтрымка: Інстытут міжкультурных даследаванняў Цэнтральна-Усходняй Еўропы, факультэт прыкладной лінгвістыкі, Варшаўскі ўніверсітэт.